咖啡咁刺激，好多人飲完會睡不着，咁腦癇患者係咪唔飲得? 飲完會不會引發腦癇發作?
最近就有法國的研究話，腦癇患者如果飲得太多或太少咖啡，出現某種類型腦癇發作的機會就較高；相反，適量飲咖啡，出現嗰種腦癇發作的比率會較低。
咁點先叫太多太少呢？適量又即係幾多？
研究對像係６１９位對藥物反應不佳的局灶性腦癇患者，希望探討飲咖啡多寡同腦癇發作之間的關係。除咗探究患者腦癇發作的頻率，患者仲會填寫問卷，飲咖啡習慣被分類為從來不飲、極少（由一星期少於１杯到一星期最多３杯）、適量（由一星期４杯到最多每日３杯）及極多（每日超過４杯）。
結果發現，飲咖啡次數明顯同局灶演變成雙側強直陣攣發作（focal to bilateral tonic-clonic seizures）有關。腦癇發作有好多類型，有全面性發作、局灶性發作等。研究中所講呢種，就係局灶發作可以在數秒間演變成影響左右腦的強直陣攣發作（亦稱繼發性全面發作）。適量飲咖啡，比起從來不飲、極少、極多飲咖啡的患者，出現呢種腦癇發作的次數明顯較少。
無論做人做事，定係作息飲食，採取中庸之道，真係金科玉律？
參考資料:
[1] Too Much, Too Little Coffee May Boost Seizure Risk in Epilepsy
[2] Coffee consumption and seizure frequency in patients with drug-resistant focal epilepsy
免責聲明：此資訊及圖像只作一般教育用途及供參考之用，如有需要，請向相關專業人士作進一步查詢。